so hääß die nacht
un viel zu korz
wu du un ich
uns gfunne hänn
uff dere wiss
känn schloof kä angscht
dei hand so zart in meinre hand
schnell hell is worre
so kalt die nacht
un viel zu lang
wu du un ich
verlore warn
so weltweit weg
känn brief kä stimm
dei hand getrennt vun meinre hand
hell wollt s net werre
so froh die nacht
un viel zu reich
wu du un ich
getraut uns hänn
beim große fescht
vor so viel leit
dei hand mit ring in meinre hand
un durchgedanzt ganz fedderleicht
so bang die nacht
un viel zu schwer
wu du un ich
durchwacht hänn stumm
am klinikbett
bei unserm kind
mei hand so kalt in deinre hand
de dood im zimmer
so klar die nacht
un wunder voll
wu du un ich
geborche sin
im sternezelt
un alles gut
dei hand so alt in meinre hand
e warmie sanftie ruh
Matthias Zech, 2016