frieher
do hot er viel gebabbelt
gerechent hot er schnell
fescht gschafft hot er fer uns
un alle Leit hot er gholfe
draagelangt un hiegelangt
uff alle Hochziche gedanzt
gelacht un verzehlt
un verzehlt un gelacht
des alles kanner nimmie
heit mit seine 91
er hert nix mäh
er kennt känns mäh
hot uffghert zu verzehle
stunnelang
dut er draus uff de Terrass
Niss uffmache
Hasselniss aus seim Gaade
e Kinnerbreigläselsche voll
hot er mer mitgewwe
un ich du jeden Morche
do draus immer norre
äänie
in mei Müsli
ää äänzischie
do drin is alles
do drin do is
sei ganzie Lieb
sei ganzes Leewe
in dere Hasselnuss fer mich
Matthias Zech, 2025